30. maí
Gríma með lömbin sín, gráa gimbur og svartbotnóttan hrút.
Golsa (ærin mín) með sín afkvæmi, gráan hrút og grágolsótta gimbur.
Það er svo helst í fréttum að bifreið mín fögur af Daihatsu Rocky gerð hefur verið sett á eftirlaun. Arftaki Rockys er að sjálfsögðu eftirbátur hans um fegurð, glæsileika, reynslu og um fram allt sál en engu að síður margfalt kraftmeiri, rúmbetri, hljóðlátari og hraðskreiðari. Arftakinn var tekinn í reynsluakstur inn á afrétt núna á miðvikudaginn og fór það vel.
Nú er ég svo snúin aftur á Hvanneyri til að útskrifast, stunda almennan ólifnað og vinna. Hér á að halda til í allt sumar og því eru hingað komnir allir mínir hestar auk hestanna hans Mads og Krónu - sem er gott.
Móðir Krónu, Kolbrún frá Flesjustöðum, mátar forláta kliftöskur.
Orð dagsins er: Flapalegur
Orðið þýðir: að vera hirðulaus um klæðaburð og framkomu.
Dæmi: Jafnan er ég fremur flapaleg. Forsetinn var flapalegur í heimsókn sinni til Melrakkasléttu.